Eyjar

Eins og ávallt þá er í Eyjum í fríinu mínu. Alltaf yndislegt að gera vestmannaeyska hluti eins og að fara upp á Heimaklett.

Handverksmarkaður

Jæja maður situr víst ekki auðum höndum í sumarfríinu. Var með góðum handlögnum konum í Eyjum með handverksmarkað um goslokahelgina. Þetta er farinn að vera árviss viðburður og hann mun jafnvel verða oftar. Kannski fyrir jólin líka. Hérna kemur eitthvað af því sem ég var að gera :)

Silfurhringir

4500 kr.

Síðir eyrnalokkar

1500 kr. stykkið

2500 kr. parið

Hálsmen

1500 kr.

Gróðurhús um hálsinn

1500 kr.

Kökuhálsmen

1500 kr.

Kökueyrnalokkar

2000 kr.

Nokkrar myndir frá því í vetur. Keypti pakka af nýju svart hvítu polaroid filmunum. Fáranlega dýrt! Býst ekki við að þetta verði nema bara árlegur viðburður hjá manni. Tók myndir í of miklu frosti og myndirnar urðu ekki beint eins og ég bjóst við en finnst þær samt svolítið töff. Draugalegar og óræðar.

Vor í lofti

Aaaah það fer vonandi að koma vor. Það er allavega hægt að fara út orðið í einhverju öðru en eskimóafötum. Samt svo ekta að það muni snjóa í apríl eða eitthvað. Anyways... fór með Ed í smá göngutúr um Grjótaþorpið og Þingholtin og tók myndavélina með svona til tilbreytingar.

Tussulókar og goth

Ég fór í skemmtilegasta partí ever um daginn hjá hópi kvenna sem eru iðnar við þemapartíin. Í fyrra var Dolly Parton þema partí sem ég því miður missti af en í þetta skipti lét ég mig ekki vanta þar sem að þemað var goth. Ég hef lengi verið mikill aðdáandi þessa menningarkima þ.e.a.s. þeirra sem eru goth. Ég er það ekki sjálf og hef aldrei verið en hef áhuga á ýmsu í sambandi við þetta. Ég bjó í Berlín um hríð og þar stunduðum ég og vinir mínir goth staðina mjög grimmt. Ég var meira kannski inni í pönkinu þarna í Berlín. En engu að síður á ég allskonar goth og pönk drasl. (Eiginlega alveg ótrúlega mikið). Þetta drasl reyndist mikil og góð fjárfesting fyrir téð goth partí þar sem ég vann fyrstu verðlaun vúhú. Mjög stolt enda ótrúlega flottar goth píur að standa að þessu og gaman hvað allir voru metnaðarfullir í búningum og svona. Mest töff fannst mér samt að allar þessar konur og mömmur kvörtuðu ALDREI undir stanslausri metaltónlist. Þetta var sko alveg for the sake of it. Þvílík snilld og takk fyrir mig :D