Jeiii nýjar myndir

Kannski ekki skrítið þar sem ég var að kaupa mér yndislega fallega myndavél. Verð miklu duglegri að henda inn myndum núna.
En hérna koma nokkrar myndir af góssinu sem ég var að selja á Bazarnum um daginn. Ætla að koma með myndir af handsaumuðum slaufum; hálsslaufum og slaufunælum. Kem með síðan myndir af slaufuhálsmenum síðar og bolum fyrir börn.

Hálsslaufa fyrir litla herramenn - 1500 kr.

Hálsslaufa fyrir herramenn - 2000 kr.

Hálsslaufa fyrir herramenn - 2000 kr.

Hálsslaufa fyrir herramenn - 2000 kr.

Slaufunæla - 2000 kr.

Slaufunæla - 2000 kr.

Slaufunæla - 2000 kr.

Sumarið á enda?

Jæja góða fólk. Það er síðasti dagurinn í dag mér til mikillar sorgar. Í rauninni veit ég ekki hvað ég á af mér að gera þegar síðasti leikurinn klárast í kvöld. :( Frekar glatað. En ég bíð bara eftir EM þá. Kannski maður bara safni sér fyrir ferð á EM. Held að það verði geðveikt. Það verður í Póllandi og Úkraínu og ég mæli alveg einstaklega með að fólk fari til Póllands. Sérstaklega Krakow. Það er alveg uppáhaldsborgin mín.


Öll liðin sem ég ákvað að halda með duttu út. Mexíkó, Chile, Ghana en ég hélt líka með Þýskalandi og þeir náðu 3. sætinu. Vá eins og ég sé að segja einhverjar fréttir. Held að flestir viti þetta nú er það ekki? Þeir voru með skemmtilegt lið og ég var alls ekki að búast við því fyrir keppnina. Þess vegna er ágætt að nota riðlakeppnina til að finna sér eitthvað skemmtilegt lið til að halda með. Ég ætla t.d. ekki að halda með Spánverjunum í kvöld. Æi það fer eitthvað í taugarnar á mér við þessa choko-a. Veit ekki hvað það er. Æi held ég haldi bara ekki með neinum. Vil bara fá skemmtilegan leik, flott spil, slagsmál og drama og mörk auðvitað.

Geggjaða skó úr haustlínu Kronbykronkron. Úff langar svo í og hefur langað lengi í einhvern veginn svona skó en vá þarf að safna fyrir þeim í svona 2 ár. Læt mig bara dreyma í staðinn. Líka svo falleg svona reimuð stígvél. Vááá.

Lula

Víííí er alveg rosalega spennt. Var að panta áskrift að alveg fallegasta blaði ever. Keypti mér eintak fyrir svona 2 árum síðan af tímariti sem heitir Lula. Ég fletti oft í gegnum það enn þann dag í dag enda fer maður ekki að henda svona dýrgrip. Enda fokk dýrt blað. Þetta er reyndar það vinsælt blað að það er víst fljótt að seljast upp áður en það kemur í búðir liggur við. Mjög erfitt að nálgast það. Enda hef ég ekki séð eintak í bókabúðum hérna síðan ég keypti mitt. En nú er ég orðin áskrifandi og fæ pottþétt 11. tölublað af Lula. Hér koma nokkrar fallegar myndir úr blaðinu:

Fernando Forero

Hef verið að skoða svolítið verkin hans Fernando Forero. Hann er kólombískur listamaður en býr í Póllandi. Myndirnar hans eða skissur höfða einstaklega til mín. Finnst eins og þetta séu stúdíur af einhverjum forsögulegum dýrum. Gæti þess vegna hafa verið í skissubókinni hans Leonardo da Vinci. Getið skoðað meira á blogginu hans og svo er hann líka á Behance.